Croeso i Daith y Pererin

(Saesneg yn unig)
The Pilgrims Way Completion Certificates are now available in the National Trust Visitor Centre at Porth y Swnt, Aberdaron. They include all the stamps around the edge of the certificate and come with a cardboard backed envelope. Cost is only £2 of which £1 is donated to the National Trust.

See News Page for details of this years Annual Pilgrimage

(Saesneg yn unig)
Temporary diversions at Porth Colmon, please see details on the News page

Ganrifoedd yn ôl, roedd pererinion yn eu miloedd yn teithio draw i Ynys Enlli, wedi iddynt glywed yr hanes am yr heddwch arbennig oedd i’w gael yno ar ymylon y byd gorllewinol. Cawsent eu denu i wlad y machlud, lle byddai dim byd ond y môr mawr rhyngddyn nhw a’r anwybod.

1,500 o flynyddoedd yn ôl, sefydlodd Sant Cadfan gymuned Gristnogol yno. Yn yr Oesoedd Canol, byddai pobl yn credu bod dwy bererindod i Enlli gystal ag un i Rufain. Ac mae’r teimlad hwnnw o le sanctaidd yn dal i ddenu pererinion heddiw.

Heddiw mae llwybr sy’n croesi Gogledd Cymru wedi ei fapio a’i gyfeirbwyntio, yn cysylltu eglwysi hynafol a gysegrwyd i seintiau’r 6ed ganrif y mae eu ffydd tawel, yn plethu gyda naws yr harddwch a rhyfeddod byd natur, yn dal i atsain i ninnau heddiw.

Abaty Dinas Basing, oedd yn gwasanaethu fel ysbyty i’r pererinion hynny a ai i Dreffynnon yn y canol oesoedd, yw man cychwyn Llwybr y Pererin.

Mae’r daith yn arwain drwy goedwigoedd a thros afonydd, i fyny mynyddoedd ac ar hyd llwybrau’r arfordir, drwy diroedd gwyllt ac i mewn i bentrefi.

Mae’n dathlu treftadaeth y seintiau Celtaidd hynny y collwyd eu hanesion yn niwl yr oesoedd ond y mae eu hatgofion yn atseinio mewn hen hen eglwysi ac mewn ffynhonnau sanctaidd ar hyd y daith.

Mae Llwybr y Pererin yn daith gerdded o fwy a 130 o filltiroedd. Mae eglwysi pitw bach sy’n swatio yn y bryniau’n cynnig lloches a lle i orffwys ar hyd y ffordd, yn union fel y byddent wedi’i wneud yn y gorffennol.

Erbyn hyn mae pobl yn ailddarganfod traddodiad y bererindod ac yn ei hailddyfeisio ar gyfer oes newydd. Mae pererinion y presennol wedi disgrifio’r profiad fel “ail osod y sylfaen yn fy mywyd” fel “seibiant” ac “amser i grwydro a rhyfeddu”.

Bydd pob math o bethau’n gwneud i ni ryfeddu. Cawn weld y groes 12 troedfedd ym Maen Achwyfan – mil o flynyddoedd oed, wedi’i cherfio gyda chlymau Celtaidd ac yn dal i eistedd yn fawreddog ac yn unig ynghanol cae, gyda’i chymysgedd o symbolau Cristnogol a phaganaidd. Cawn ryfeddu at fywyd gannoedd o flynyddoedd yn ôl hefyd wrth i ni basio cylchoedd cerrig uwch ben dyffryn Conwy. Ac wrth i ni gerdded, gallwn wir amsugno harddwch tirlun Cymru.

Mae pererindod yn daith gerdded gyda dimensiwn newydd. Wrth wynebu sialens y tir a’r tywydd, bydd y pererinion yn anghofio’r pethau bach sy’n eu poeni bob dydd ac yn dod yn rhan o’r darlun mwy. Mae safbwyntiau’n newid, blaenoriaethau’n cael eu hailasesu.

Uchafbwynt y profiad yw croesi’r môr mewn cwch agored a chyrraedd Ynys Enlli o’r diwedd. A chludo’r heddwch a’r distawrwydd hwnnw adre gyda chi, dyna’r rhodd sy’n parhau.

• Croeso i Daith Pererin Gogledd Cymru
  
• O Abaty Dinas Basing i Ynys Enlli – taith gerdded o fwy na 130 o filltiroedd
  
• Lawrlwythwch fapiau a theithiau o’r wefan yma a dilynwch y cyfeirnodau
  
• Cynlluniwch eich taith gerdded: y llwybr cyfan mewn pythefnos sef oddeutu 12 milltir y diwrnod
  
• Neu ddiwrnod ar y tro gan ddefnyddio cludiant cyhoeddus neu rannu ceir
  
• Ymunwch â grŵp: mae pererindod flynyddol yn cychwyn ar Ddydd Sadwrn Gŵyl y Banc ym mis Mai bob blwyddyn / arweiniwch eich grŵp eich hun / cerddwch ar eich pen eich hun / gyda chyfaill
  
• I gael cymorth gydag eiddo a chludiant, cysylltwch â’r cwmnïau gwyliau cerdded cofrestredig
  
• Cewch ganfod hanes hynafol Cymru sydd ynghudd yn y bryniau
  
• Ewch i weld rhaeadr enfawr, nentydd byrlymus a ffynhonnau sanctaidd
  
• Dilynwch Lwybr yr Arfordir gyda’i olygfeydd gwych
  
• Dewiswch y llwybr hanesyddol drwy Fangor a Chaernarfon neu’r tirluniau rhyfeddol drwy Eryri
  
• Stopiwch yn Llanberis i ddringo’r Wyddfa
  
• Galwch yng Ngerddi Bodnant
  
• Astudiwch yr holl gymunedau crefyddol gwahanol ar y Ffordd: Sistersaidd, Benedictaidd, Catholig, Ffransisgaidd, Jeswit, Anglicanaidd - Yr Eglwys yng Nghymru, Anghydffurfwyr – eu holl draddodiadau, yn hynafol ac yn fodern
  
• Mwynhewch y cyfoeth o adar a blodau gwyllt
  
• Darllenwch y cerddi a ysbrydolwyd gan dirlun Cymru drwy’r oesoedd – yn cynnwys Gerard Manley Hopkins yn St Beuno yn Nhremeirchion, beirdd Cymru sy’n cael eu dathlu yn eglwys Llansannan ac RS Thomas yn Aberdaron
  
• Prynwch eich sedd ar y cwch i Enlli – os yw’r tywydd yn caniatáu
  
• Cymerwch y cam cyntaf!